Xherdan Shaqiri ka vendosur të pensionohet nga Kombëtarja e Zvicrës.
Lajmin e ka bërë të ditur vetë futbollisti shqiptar në një njoftim në rrjete sociale, ku përmblodhi karrierën e tij të gjatë dhe të suksesshme me ekipin kombëtar.
Shaqiri ka luajtur në shtatë turne të mëdha ndërkombëtare dhe ka shënuar shumë gola për Zvicrën, i fundit në kampionatin evropian Euro 2024.
Kontributi i tij i jashtëzakonshëm në fushën e lojës për kombëtaren zvicerane nuk do të harrohet.
“Shtatë turne, shumë gola, 14 vite me kombëtaren e Zvicrës dhe momente të paharrueshme. Është koha për t’i thënë lamtumirën kombëtares. Mbeten kujtime të mëdha dhe për këtë ju them të gjithëve: Faleminderit!”, ka shkruar Shaqiri në postimin e tij në rrjetin social Instagram.
Në 125 paraqitje sa i ka pasur gjithsej me Zvicrën, Shaqiri ka shënuar 32 gola, ndërsa numëron edhe 34 asistime.
Shaqiri mban rekordin si lojtari i parë që ka shënuar në gjashtë turnetë e mëdha të fundit.
View this post on Instagram