Aleksander “Sasha” Kasanof është personi i cili do ta pasojë pozitën e Gabriel Escobar si zëvendësndihmëssekretar i Shtetit për Ballanin Perëndimor.
Kasanof, siç tregon faqja e Departamentit amerikan të Shtetit, nga e premtja e 19 korrikut është zëvendësndihmëssekretar i Shtetit për Ballanin Perëndimor, si dhe për Shtypin dhe Diplomacinë Publike në Byronë e Çështjeve Europiane dhe Euroaziatike.
Sasha ka shërbyer më parë si Asistent Ekzekutiv i ish-nënsekretares për Çështjet Politike Victoria Nuland dhe ushtrues i detyrës së nënsekretarit për Çështjet Politike, John Bass. Ai ka shërbyer jashtë shtetit në Irlandë, Turkmenistan, Kili dhe Ukrainë, siç thuhet në webfaqen e Departamentit amerikan të Shtetit.
DASH tregon se ai ka marrë çmimin James Clement Dunn për ekselencë për punën e tij si këshilltar Politik në Ambasadën e SHBA-së në Kyiv gjatë Revolucionit Maidan dhe pushtimit të mëvonshëm të Rusisë në Ukrainë.