Njëri nga redaktorët në Radiotelevizionin e Kosovës, Enver Bajrami, është distancuar nga publikimi i artikullit të mediumit boshnjak “Slobodna Bosna”, ku dy media online akuzohen se janë nën “kontroll” të Serbisë.
Bajrami në një reagim të publikuar në rrjete sociale, ka thënë se kundërshton çdo gjë joprofesionale.
Ai ka shprehur keqardhjen për situatën e krijuar mbrëmjen e së hënës.
“Sikurse kam qenë pjesë e protestave të vitit 2015 për një RTK të publikut, vazhdoj edhe sot të kundërshtoj çdo gjë joprofesionale.Andaj, pa qenë fare përgjegjës për situatën e fundit të krijuar, ndjej keqardhje për situatën e krijuar mbrëmë dhe krejt çka mund të bëjë, është të vazhdoj të punoj me profesionalizëm brenda përgjegjësive të mija! Unë distancohem me keqardhje.” – ka shkruar ai në një storie të publikuar në rrjetin social, Instagram.
Gjithashtu, edhe redaktorja në këtë televizion Blerat Foniqi – Kabashi është distancuar nga publikimi i këtij artikulli në portalin e këtij mediumi.
