Një person ka raportuar në polici se ka hasur në mjete të dyshuara shpërthyese në Fushë-Kosovë.
Në raportin 24-orësh të policisë bëhet e ditur se në vendin e ngjarjes kanë dalë njësitet përkatëse, ndërsa ekipi për deminim i FSK-së ka tërhequr nga vendi i ngjarjes tri mjete shpërthyese që dyshohet të jenë granata dore.
“Ankuesi mashkull kosovar ka raportuar se derisa ka qenë duke punuar, ka hasur në mjete të dyshuara shpërthyese. Në vendin e ngjarjes kanë dalë njësitet përkatëse, ndërsa ekipi për deminim i FSK-së ka tërhequr nga vendi i ngjarjes tri mjete të dyshuara granata dore. Lidhur me rastin është njoftuar prokurori”, thuhet në raportin e PK-së.