Shtëpia botuese “Dukagjini” fton të gjithë lexuesit të bëhen pjesë e garës “Lexuesit e Verës”.
Leximet verore janë një përjetim i veçantë. Nën diellin e ngrohtë, nën hijen e një peme, ose teksa dëgjoni tingujt e valëve të detit, një libër mund t’ju bëjë të kaloni kohë shumë të bukura e të përjetoni emocione të forta.
Gjatë leximit, ju humbni veten në një botë tjetër, harroni përditshmërinë, punën, presionet dhe zhyteni në një atmosferë relaksuese, duke i lënë mendimet tuaja të udhëtojnë në histori nga më të ndryshmet.
Andaj, “Dukagjini” ju fton të ndani pikërisht një rrëfim të tillë, të shkurtër (max. 3000 karaktere ose 500 fjalë), rreth leximeve tuaja verore, ku do të përshkruani emocionet dhe kënaqësinë e të lexuarit gjatë ditëve të verës.
Ekipi i shtëpisë botuese “Dukagjini” do të lexojë me vëmendje të gjitha prurjet dhe do të zgjedhë tre fituesit e kësaj gare, të cilët do të shpërblehen me nga një set librash të mrekullueshëm.
“Bashkohuni me ne në këtë aventurë letrare, shprehni talentin tuaj në të shkruar dhe fitoni librat më të mirë për lexim”, thuhet në njoftim.
Gjithashtu, është bërë e ditur se për të qenë pjesë e garës, të gjithë aplikuesit duhet të kenë like dhe follow faqen “Dukagjini Publishing House” në rrjetet sociale, si: Facebook, Instagram dhe Tik Tok.
Afati i fundit për aplikimi është data 18 gusht, ora 23:59. Materialet mund t’i dërgoni në email adresën: [email protected]