Në qytetin e Prizrenit është arrestuar një i dyshuar gjatë ditës së djeshme.
Kjo pasi i njëjti më datë 07.08.2024 në lagjen “Petrova” në Prizren, në një aheng familjar ia ka dhënë armën një fëmije 10-vjeçar.
Në bazë të një videoregjistrimi që ka siguruar policia, shihet një djalë dhjetëvjeçar duke shtënë në ajër me një pistoletë.
“Pas veprimeve hetimore, hetuesit kanë identifikuar fëmijën dhe të dyshimtin që ia ka dhënë armën,” thuhet në njoftim.
Ndërsa, “i dyshuari është shoqëruar deri në Stacionin Policor në Prizren, Veri e pistoleta bashkë me njëzet fishekë është sekuestruar nga njësiti i krim-teknikës.”
Lidhur me të gjitha veprimet, sipas njoftimit, është njoftuar dhe konsultuar prokurori i Shtetit.
“Pasi që arma ishte pa leje adekuate nga organet përgjegjëse , prokurori ka urdhëruar sekuestrimin e armës dhe municionit (20 fishek) , ndërsa kundër të dyshuarit është ngrit kallëzim penal për veprën penale “Mbajtja ne pronësi, kontroll ose posedim i paautorizuar i armës”.
