Ben Emmerson s’do të jetë më avokat i Kadri Veselit, ngriten dyshime për mungesë fondesh

Gjykata Speciale ka miratuar kërkesën e avokatit Ben Emmerson për tërheqje nga ekipi mbrojtës i Kadri Veselit

Ben Emmerson

Gjykata Speciale ka miratuar kërkesën e avokatit Ben Emmerson për tërheqje nga ekipi mbrojtës i ish-kryekuvendarit, Kadri Veseli.

Gjykata siguroi se largimi i Emmersonit nuk do të shkaktojë vonesa në procesin gjyqësor.

“Më 21 gusht 2024, Trupi Gjykues në çështjen Thaçi dhe të tjerët miratoi përfundimin e përfaqësimit ligjor të Kadri Veselit nga mbrojtësi Ben Emmerson. Të dy, Veseli dhe Emmersoni u pajtuan me këtë vendim, duke bërë që Trupi Gjykues të aprovojë përfundimin e përfaqësimit ligjor për arsye të vlefshme. Gjithashtu, Trupi Gjykues u bind se do të sigurohet vazhdimësia e përfaqësimit të Veselit dhe se ndryshimi i kryembrojtësit nuk do të shkaktojë vonesa në procesin gjyqësor”, thuhet në njoftim.

Më tej, në njoftim thuhet se vendimi për tërheqjen e Emmersonit do të hyjë në fuqi sapo të caktohet kryembrojtësi i ri.

“Për këtë qëllim, administratorja e Dhomave të Specializuara të Kosovës është ftuar të marrë të gjitha masat e nevojshme sa më shpejt që të jetë e realizueshme”.

Arsyet e tërheqjes së Ben Emerson-it nga rasti më i madh në Gjykatën Speciale ende nuk janë bërë të ditura. Teksa në media janë ngritur dyshime për mungesë fondesh.

Vlen të kujtojmë se në janar të këtij viti, Gregory Kehoe, ish-avokati i Hashim Thaçit, së bashku me Joe Reeder dhe anëtarët e firmës “Greenberg Legal Associates”, u tërhoqën nga mbrojtja e ish-presidentit Thaçi për shkak të “mospërmbushjes së detyrimeve financiare.”

 

Shija e redaktorit

 Themelorja lë në fuqi aktakuzën ndaj dy ish-ministrave Endrit Shala...

Gjykata Themelore në Prishtinë ka refuzuar kërkesat për kundërshtim të provave dhe për hudhje të aktakuzës, të parashtruara nga mbrojtja e dy ish-ministrave të...

Ambasada britanike për njohjen e Kosovës nga Sudani: Një moment...

Ambasada e Mbretërisë së Bashkuar në Prishtinë përmes një postimi në Facebook e ka uruar Kosovën për njohjen e marrë nga shteti afrikan, Sudani. Ambasada...

Sudani e njeh pavarësinë e Kosovën

Sudani, shtet në verilindje të Afrikës, e ka njohur pavarësinë e Kosovës të shtunën. Lajmin për njohjen e Kosovës nga Sudani e ka dhënë e...

Të fundit nga rubrika