Për vitin e shtatë me radhë po mbahet turneu i tenisit që në përbërje ka fytyra publike.
Sivjet, nën organizimin e Djellza Kolgecit dhe Afërdita Paqaradës, pjesmarrës ishin politikanë, figura televizive e personazhe të ndryshme të njohura.
Pas hedhjes së shortit, filloi edhe ndeshja e parë, e kështu me radhë deri te e fundit.
Fitues i turneut ishte basketbollisti i njohur kosovar, Granit Rugova.
Njëra nga organizatorët u shpreh e lumtur me gjithë organizimin.
“Edhe këtë vit më këtë projekt, e kemi promovuar jetën e shëndetshme edhe definitivsht e ka arrit suksesin e vet, për faktin që kemi marrë përgjigje nga të gjithë ata që i kemi ftuar dhe është realizuar i gjithi në mënyrë të rrjedhshme”, ka thënë Paqarada.
Kurse, Djellza Kolgeci tha se turneu do të organizohet edhe viteve të ardhshme.
“Duke marrë parasysh që është viti i shtatë, besoj që po. Unë dhe Afërdita kemi organizuar projekte të ndryshme, kulturore sportive”, ka thënë Kolgeci.
Pjesëmarrës në këtë takim ishte edhe kryetari i Prishtinës, Përparim Rama, ish-ambasadorja e Shtetet e Bashkuara të Amerikës, Vlora Çitaku dhe disa figura të tjera të njohura.