Policia e Kosovës ka dhënë detaje për vrasjen e së premtes që ndodhi në Mitrovicë, ku ka bërë të ditur se në vend të ngjarjes janë gjetur dhe sekuestruar gjashtë gëzhoja.
Sipas policisë, i dyshuari rreth orës 09:45 kishte shtënë me armë në drejtim të viktimës F.Z., 45-vjeçar, i cili fillimisht është dërguar në Spitalin Rajonal në Mitrovicë, e më pas në ShSKUK.
“Ndërsa, rreth orës 12:00 nga SHSKUK- ja, është raportuar se i plagosuri viktima ka ndruaj jetë. Me urdhër te Prokurorit, trupi i pajete i viktimës është dërguar në IML, për obduksion”.
“Nga hetimet e zhvilluara në vendin e ngjarjes, si dhe ekzaminimet e kryera, hetuesit policorë si prova materiale kanë gjetur dhe sekuestruar gjashtë gëzhoja. Rrjedha hetimore është duke vazhduar në koordinim me prokurorin e rastit në drejtim të identifikimit dhe arrestimit të të dyshuarit dhe zbardhjes së plotë të të gjitha rrethanave që ndërlidhen me rastin e veprës penale vrasje”, thuhet në njoftimin e Policisë.
Vdes 40-vjeçari i plagosur në Mitrovicë, dyshohet se 6 plumba u shkrepën në drejtim të tij