Policia e Kosovës ka njoftuar se një person i moshuar ka vdekur në një kafiteri të premtën në Obiliq.
Policia në raportin e saj ditor bëri të ditur se Ekipet Emergjente ishin thirrur për ndihmë ndaj të moshuarit, por kur kanë arritur ato e kanë konfirmuar vdekjen e tij.
Trupi është dërguar për obduksion.
“Nga një kafiteri në Obiliq, është njoftuar se një person i moshuar ka nevojë për tretman mjekësor. Në vendin e ngjarjes kanë dalë njësitë policore si dhe ekipi mjekësor nga QMF-Obiliq i cili e ka konfirmuar se personi i gjinisë mashkullore ishte pa shenja jete. Me urdhër të prokurorit kujdestar trupi i pa jetë është dërguar në IML për obduksion”, thuhet në raportin e Policisë.