Ministria e Shëndetësisë në Gaza ka njoftuar se numri i të vdekurve nga një sulm izraelit në një kompleks shkollor, i cili ndodhi sot[e shtune] ka shkuar në 22.
Zyra për Media e Qeverisë së Gazës raportoi se 20 nga të vrarët ishin gra dhe fëmijë, ku sipas kësaj zyre, 13 ishin fëmijë, gjashtë gra dhe një foshnjë tremuajshe, raporton CNN, transmeton Dukagjini.
Gjithashtu në njoftim thuhet se 30 persona janë plagosur duke përfshirë 9 fëmijë që kishin nevojë për amputime dhe të tjerë me djegie të rënda.
Nga ana tjetër, ushtria izraelite ka thënë se kompleksi po përdorej si qendër komanduese e Hamasit dhe sipas kësaj ushtrie, ishin marrë masa paraprake për të shmangur viktimat civile.