Presidenti i Ukrainës, Volodymyr Zelensky në një postim në X ka shkruar përshtypjet e tij nga samiti në Dubrovnik.
“Në samitin Ukrainë-Evropa Juglindore, unë theksova rëndësinë e stabilitetit në Ballkan. Ashtu si në Evropën Lindore, ajo që ndodh në Ballkan përcakton nëse Evropa do të përballet me luftë. Kjo është arsyeja pse rezistenca e Ukrainës ndaj pushtimit rus është vendimtare për stabilitetin e rajonit”, tha presidenti ukrainas.
“Ky është takimi i tretë në këtë format dhe jam mirënjohës për mbështetjen e Ukrainës dhe popullit të saj, për mikpritjen e vendeve pjesëmarrëse ndaj ushtarëve të plagosur ukrainas që shërohen në vendet e tyre dhe veçanërisht për pjesëmarrjen në samitin e paqes. Të gjitha këto vende me të vërtetë po përpiqen t’i japin fund kësaj lufte në një mënyrë të drejtë. Ne vlerësojmë marrëdhëniet midis kombeve tona që na forcojnë dhe e bëjnë botën më të qëndrueshme. Fatkeqësisht, stabiliteti po bëhet një burim i pakët. Prandaj, çdo burim sigurie për njerëzit dhe çdo burim i paqes së vërtetë në marrëdhëniet ndërkombëtare është i çmuar”, ka shkruar Zelensky.
Sipas liderit ukrainas, nëse Rusia do të korrte suksese në Ukrainë, ajo do ta kishte një target të radhës në Evropë.
Ajo çfarë bëri bujë në këtë samit por edhe sipas Zelenskyt, nëse Rusia do të kishte arritur të pushtonte Ukrainën dhe të kërcënonte të gjithë Evropën Lindore, Moska do të kishte cak Ballkanin ose vendet Baltike.
“Nëse Rusia do të kishte arritur të pushtonte vendin tonë dhe të kërcënonte të gjithë Evropën Lindore, nuk ka dyshim se rajoni tjetër që Moska do të përdorte për të destabilizuar Evropën do të ishte Baltiku ose Ballkani. Ne ndajmë një interes të përbashkët për të siguruar që Rusia të mos ketë forcën për të vazhduar agresionin e saj apo të ndërhyjë në punët e kombeve të tjera”, ka shkruar ndër të tjera Zelensky.