Kryetari i Kamenicës nga Lëvizja Vetëvendosje, Kadri Rahimaj, ka akuzuar Asociacionin e Komunave të Kosovës për tentim kontrabandimi të disa proceseve.
Në një video të postuar në Facebook nga Rahimaj, shihet një tollovi gati në përleshje mes kryetarëve të komunave.
Në postimin e tij, Rahimaj përmendi mosanëtarësimin e komunave veriore dhe mohim të së drejtës për përfaqësim nga radhët e LVV-së në bord.
Ai gjithashtu ka kiritkuar mungesën e transparencës dhe faktin që mediat nuk u ftuan për të ndjekur kuvendin e AKK-së.
Rahimaj ka theksuar se kjo organizatë është nën degradim total.
“Kur mungojnë argumentet, fillojnë të vënë në shprehje dhe forcën. Prandaj, nuk thërrasin as një media për të përcjellur Kuvendin e AKK. Në kuvendin vjetor të këtij organi, u tentua të kontrabandohen proces të rëndësishme si: 1. Mungesa e transparencës, 2.Mosanëtarësimi i Komunave të Veriut te Kosovës në AKK, 3.Mohimi i të drejtës për anëtar të bordit nga radhët e LVV”, ka shkruar Rahimaj.