Një person ka humbur jetën si pasojë e shpërthimit të një cisterne që ka ndodhur sot në një pompë të derivateve në Pejë.
Lajmin e ka konfirmuar për Dukagjinin, zëdhënësi i Prokurorisë Themelore të Pejës, Shkodran Nikçi.
“Një person ka humbur jetën si pasojë e shpërthimit. Në vendin e ngjarjes janë zjarrfikësit, kryeprokurori, policia dhe të gjitha organet kompetente”, tha ai.
Zëdhënësi i Policisë për rajonin e Pejës, Fadil Gashi ka konfirmuar për Dukagjinin se rasti ka ndodhur rreth orës 09:40.
“Rreth orës 09:40 kemi pranuar informatën për një shpërthim, dyshohet se ka shpërthyer një cisternë në pompë të derivateve. Jemi në vendin e ngjarjes, ende nuk dihet nëse ka persona të lënduar”, tha Gashi për Dukagjinin.
Pas shpërthimit, policia ka bllokuar rrugën Pejë-Deçan për qarkullim deri në përfundimin e procedurave të ekzaminimit të vendit të ngjarjes.
Dukagjini do të ju mbajë të informuar për rastin.