Hyrjen kryesore të shkollës nuk po e përdorin e kjo ngase rrugën për atje e ka marrë uji.
Në oborrin e shkollës “Iliria” në kryeqytet uji ka vazhduar të rrjedhë për pjesën më të madhe të ditës.
E kjo nxënësve ua ka bërë të detyrueshme disa ndryshime.
Nxënës tha se “Këtu ka qenë komplet ujë dhe nuk kemi pas ne nxënësit rrugë prej ku të kalojmë. Na u deshtë të shkojmë nga ana tjetër. Bile një shok i imi u vonua sot se iu desh të vinte nga ana tjetër se rruga ishte vërshuar. Unë vet kam pasur sot ed.fizike, e mbajtëm në sallën brenda sepse në fushë nuk ishte e mundur. Ishte e tëra e mbushur me ujë”.
E megjithatë për problemet që u hasën nga 6:30 e mëngjesit, shkolla nuk është deklaruar.
Si jo rrallëherë, drejtoresha e shkollës ka heshtur lidhur me problemin gjersa prindërit shprehen të shqetësuar për problemin.
Ndonëse u raportua se bëhej fjalë për shpërthim të kanalizimit, K.R.U “Prishtina” ka mohuar pretendimet.
ARJETA MJEKU, ZËDHËNËSE E K.R.U PRISHTINA tha se ” Nuk është kanalizimi, por dëmtim i një gypi të ujit. Ka pëlcitur një gyp uji me ç’rast, ekipet dolën të sanojnë gjendjen. Duke punuar janë”.
Televizioni ka pyetur ujësjellësinë nëse ka pasur raste të mëhershme të kësaj natyre në hapsirat e shkollës por të njëjtit, kanë deklaruar se ka ndodhur në zona të ndryshme e më pas janë rregulluar.