Prokuroria Speciale e Kosovës, ka njoftuar se ka ngritur aktakuzë ndaj pesë personave të dyshuar për krim të organizuar.
Të pandehurit me inicialet, N.S., A.S., B.S, Sh.S. dhe J.F. dyshohen për disa vepra penale si “Fajde”, “Shpëlarje parash”, “Kanosje” dhe “Pengimi i të provuarit apo procedurës zyrtare” .
“Rasti ka të bëjë me veprat penale të kryera gjatë viteve 2020 – 2022, me qëllim të përfitimit të kundërligjshëm material, ku të pandehurit janë marrë me veprimtarinë e kundërligjshme të Fajdesë”, thuhet në njoftimin nga Prokuroria Speciale.