Një aksident trafiku ka ndodhur pasditen e së enjtes në fshatin Bresalc të Gjilanit, ku ka humbur jetën një grua 46-vjeçare.
Policia e Kosovës ka njoftuar se aksidenti përfshiu tri automjete dhe ndodhi rreth orës 15:00, duke lënë të lënduar edhe dy persona të tjerë.
“Te nderuar, ju njoftojmë se në aksidentin e trafiku mes tri automjeteve, që ka ndodhur me datë 31.10.2024 rreth orës 15;00h, ku si pasoj e këtij aksidenti kanë qenë të lënduar tre persona. Ata janë dërguar me urgjencë në qendrën emergjente në Gjilan për ndihmë mjekësore.
Pasagjerja shtetase e Kosovës (1978), si pasojë e lëndimeve të marra në aksident ka ndërruar jetë ku vdekjen e saj e kanë konstatuar mjekët në QE-Gjilan. Me vendim të prokurorit të shtetit trupi i pa jetë i viktimës dërgohet në obduksion.
Hetues policor të aksidenteve nga njësiti i trafikut rajonal janë duke hetuar rrethanat e këtij aksidenti të rëndë”, ka njoftuar për Dukagjinin zëdhënësi i Policisë për rajonin e Gjilanit, Ismet Hashani.