Prokuroria Themelore në Gjakovë ka ngritur aktakuzë kundër të pandehurit A.P., i cili dyshohet se ka kryer veprën penale “trafikimi me njerëz’’.
Në njoftimin për media thuhet se i dyshuari nga muaji mars i vitit 2021 deri me 30 janar 2024 ka marrë pjesë në “trafikim” me njerëz përmes kanosjeve, përdorimit të forcës etj.
“Sipas aktakuzës ndër tjera cekët se i pandehuri A.P., nga muaji marsi i vitit 2021, e deri me datë 30.01.2024, në Gjakovë, merr pjesë në trafikimin me njerëz me anë të kanosjes, përdorimit të forcës, mënyrës së përfitimit përmes punës së detyruar dhe veprime të tjera të dhunshme, kontrolluese të përcjella me maltretimin fizik dhe psikik me qëllim shfrytëzimi për përfitim ndaj të dëmtuarës A.V.”, thuhet në njoftim.
Prokurori i çështjes i ka propozuar gjykatës që të pandehurin ta shpallë fajtor dhe të dënohet sipas ligjit për veprën penale me të cilën ngarkohet.