Policia e Kosovës sot në pjesën veriore, konkretisht në Zveçan ka gjetur armë, libra dhe uniforma ushtarake të Serbisë.
Policia e Kosovës ka njoftuar se këto pajisje i takojnë sulmit terrorist që ka ndodhur në Banjskë më 24 shtator.
Autoritetet njoftuan të martën se kanë pranuar informatë, e gjatë kontrollit kanë gjetur 4 granata M75, dy pushkë automatike, 6 karikatorë me municion të kallashnikovit, qindra fishekë, antiplumb, pantallona, xhaketa ushtarake, jelekë taktikë, gaz maska, çanta krahu ushtarake, 5 rripa ushtarakë dhe një bluzë të zezë.
