Policia e Kosovës në bashkëpunim dhe koordinim me atë të Shqipërisë, këtë të enjte do të organizojnë një konferencë të përbashkët për media.
Sipas njoftimit, konferenca e cila nis në orën 11:00 i dedikohet një operacioni të përbashkët në luftën ndaj kontrabandës – trafikimit me armë.
Në këtë konferencë pritet të marrin pjesë përfaqësues nga Policia e Kosovës dhe Policia e Shtetit të Shqipërisë, të cilët do të ndajnë informacione rreth bashkëpunimit dhe operacionit të përbashkët policor.