Kryetari i Lidhjes Demokratike të Kosovës (LDK) dhe kandidati për kryeministër, Lumir Abdixhiku, ka publikuar një video ku shfaq nënshkrimin e një zotimi për një investim të madh prej 1.5 miliardë eurosh për kryeqytetin, Prishtinën.
Në këtë nismë, Abdixhiku ka theksuar disa projekte që synojnë përmirësimin e jetës së qytetarëve të Prishtinës.
“1.5 miliard për Kryeqytetin! Projekte që ndikojnë jetën e secilit në Prishtinë! Për këto flasim sot; asgjë tjetër! Unaza, Spitali, Qendra e Sporteve, Parku Teknologjik, Mësimi Tërëditor, Komplekset Kulturore e Ngrohja Qendrore!”, ka shkruar Abdixhiku në Facebook.