Kandidati për kryeministër i Lidhjes Demokratike të Kosovës (LDK), Lumir Abdixhiku, ka zhvilluar një tubim masiv në fshatin Batllavë, ku u mirëprit nga një numër i madh qytetarësh me entuziazëm dhe përkrahje të dukshme.
Abdixhiku theksoi se rikthimi i votës djathtë në Podujevë është tashmë i qartë dhe këtë moment e përshkroi si një “tërmet politik”.
“Batllavë. Tërmet!
Sa herë që jemi në Batllavë, në Gollak e Llap, ka një tubim që të lë pa fjalë! Siç dinë llapjanët vet! Sonte, në Batllavë, në takimin e kësaj nëndege e këtij fshati, gjetëm pritjen e ngrohtë dhe konfirmimin e qartë se Podujeva është kthyer djathtë!
LDK është shndërruar në shpresë e shtëpi e të gjithë atyre që po kërkojnë ndryshim, prandaj, më 9 shkurt, nën numrin 124, ndryshim do të ketë!
Punë të mbarë Ekrem. Kandidatëve, Valonit, Arjetës, Qëndrimit, Fatlumes, Fehmisë e Mustafës, suksese!”, ka shkruar Abdixhiku në Facebook.
