Erërat e forta rekorde nga stuhia Eowyn kanë goditur sot (e premte) Irlandën dhe Irlandën e Veriut, duke lënë pothuajse një të tretën e shtëpive dhe bizneseve irlandeze pa energji elektrike dhe duke detyruar anulimin e qindra fluturimeve dhe mbylljen e shkollave dhe transportit publik.
Zyrtarët kishin paralajmëruar se stuhia parashihej të ishte një nga më të rrezikshmet me të cilat janë përballur.
Nga agjencia irlandeze e motit, Met Eireann, ka thënë se një shpërthim ere prej 182 km/h (113 mph) gjatë natës në Mace Head në County Galway, tejkaloi rekordin 80-vjeçar, raporton Reuters përcjell Dukagjini.
Rrugët në Dublin ishin të shkreta gjatë orës së zakonshme të pikut të mëngjesit, pasi dyqanet mbanin grilat e tyre të mbyllura dhe njerëzit dëgjuan një paralajmërim për të qëndruar brenda derisa një paralajmërim i erës së kuqe – niveli më i lartë i alarmit – të hiqet në pjesën më të madhe të Irlandës nga ora 11:00 GMT.
Ishte hera e parë që ishte vendosur një paralajmërim i kuq për të gjithë vendin që nga stuhia Ophelia në 2017, e cila vrau tre persona.
ESB Networks, e cila siguron energji për të gjithë Irlandën, tha se dëmtimi “i paprecedentë” i rrjetit të saj kishte çuar në ndërprerje të energjisë elektrike duke prekur 715,000 shtëpi, ferma dhe biznese. Nga kompania pritjet janë që të ketë më shumë ndërprerje të energjisë ndërsa stuhia shkon drejt veriut.