Instituti Hidrometeorologjik i Kosovës (IHMK), ka parashikuar një javë të ftohtë për vendin, me temperatura të ulëta në mëngjes dhe prezencë të ngricave e mjegullës në shumë zona.
Sipas njoftimit, gjatë mesditës temperaturat do të jenë kryesisht mbi zero, por ndjesia e të ftohtit do të mbetet e lartë për shkak të erërave nga veriu dhe veriperëndimi.
Qytetarët këshillohen të shmangin daljet e panevojshme, sidomos në mëngjes dhe mbrëmje, për shkak të cilësisë së dobët të ajrit.
Ndërkohë, shoferët duhet të jenë të kujdesshëm, pasi në rrugët e lagështa mund të krijohen shtresa akulli, duke rritur rrezikun e aksidenteve.
Parashikimi për ditët në vijim:
E hënë – Moti kryesisht i vranët, vende-vende me riga shiu. Temperaturat minimale nga -1°C deri në 1°C, ndërsa maksimalet 3-6°C.
E martë – Rënie e temperaturave, me minimale nga -5°C deri në -6°C.
E mërkurë & e enjte – Moti mbetet i ftohtë dhe me vranësira.
E premte – Kryesisht vranët, me intervale të shkurtra me diell dhe riga shiu në disa zona. Temperaturat minimale nga -5°C deri në -3°C, ndërsa maksimalet nga 4°C deri në 7°C.