Kandidati për deputet nga Koalicioni për Familjen, Eman Rrahmani, ka deklaruar se çështja e mbrojtjes së familjes ka marrë një rëndësi të veçantë për popullin e Kosovës.
Rrahmani foli për arritjen e Koalicionit për Familjen që ka ndaluar martesat mes personave të së njëjtës gjini, duke e quajtur këtë një masë të nevojshme për të mbrojtur vlerat familjare.
“Koalicioni për Familjen ka kaluar qysh në vitin 2022, kur të gjithë atyre që kanë provuar me ua leju martesat burrë me burrë e grua me grua, e që po agjeton edhe profesor Ramabaja sonte këtu, iu kemi ndaluar ato dëshira, e kemi kaluar këtë çështje moti.
Populli e ka kuptuar, që sa e rëndësishme është me u rreshtu për me mbrojt familjen nga agjenda kryesisht të cilat kanë për qëllim rëndë dinjitetin, integritetin dhe formimin e familjes shqiptare”, ka thënë Rrahmani në Debat Plus.