Policia e Kosovës me leje për kontroll nga Prokuroria Themelore e Mitrovicës në dy qendra ilegale në Zubin Potok ka realizuar bastisje nën dyshimin e bazuar se zyrtarë të këtyre qendrave kane thirre qytetar të ndryshëm në telefon dhe nën formën e kërcënimit i kanë detyrua apo udhëzuar se si të votojnë duke i kushtëzuar ndihmat sociale me votën e tyre në favor të një partie të caktuar politike e cila ishte në garë për zgjedhjet parlamentare në Kosovë.
Pas kontrollit të dy qendrat ilegale janë mbyllur.
Lajmin për Dukagjinin e ka konfirmuar Zëvëndësdrejtori i Policisë për rajonin e Veriut, Veton Elshani.
“Me 08 shkurt 2025 një ditë para zgjedhjeve Parlamentare në Kosovë, ne kishim arrestuar 4 persona (zyrtar të Qendrës për Punë Sociale në Zubin Potok) në lidhje me veprën cenim i përcaktuesve të votuesve”.
“Lidhur me punën tonë hetimore ne e kemi njoftu Prokurorinë Themelore në Mitrovicë nga të cilët kemi kërku që të na lejohet kontrolli i këtyre qendrave me qellim të zbulimit te provave me të cilat do të vërtetohet saktë mënyra e veprimit të këtij aktiviteti të kundërligjshëm e që cilësohet si falsifikim i dokumenteve”.
Tutje Elshani është shprehur se Prokuroria Themelore në Mitrovicë e ka aprovu kërkesën e tyre dhe ka derguar pastaj kërkesën e vet për urdhër të kontrollit në Gjykatë “gjë të cilën edhe e ka marr dhe tani jemi në kontroll të këtyre qendrave me urdhër të Gjykatës”.
“Pas kontrollit të këtyre vendeve ne do të njoftojmë prokurorin me të gjeturat e cila mandej do të vendos për hapat e mëtejmë”, ka thënë Elshani.
