Frank Wisner, ish-diplomati i lartë amerikan që shërbeu edhe si Përfaqësues Special i Shteteve të Bashkuara të Amerikës për zgjidhjen e statusit të Kosovës në vitin 2005 që përfundoi në shpalljen e pavarësisë së Kosovës, ka ndërruar jetë.
Siç raporton The New Yrok Times, djali i tij, David, tha se shkaku ishin ndërlikimet e kancerit në mushkëri.
Wisner ishte emëruar i dërguar i posaçëm nga asokohe Sekretaresha e Shtetit, Condolezza Rice – për të asistuar ish-Presidentin e Finlandës, Marti Ahtisaari, të negocionte zgjidhjen e statusit të Kosovës që çoi në pavarësimin e vendit.
“Ambasadori Wisner do të ofrojë mbështetjen amerikane për negociatorin kryesor ndërkombëtar, të dërguarin e posaçëm të OKB-së, Martti Ahtisaari, në përpjekjet e tij për të bashkuar liderët serbë dhe kosovarë për diskutime mbi statusin e ardhshëm të Kosovës. Anëtarët e Grupit të Kontaktit kanë përcaktuar se zgjidhja e kësaj çështje është çelësi për sigurimin e stabilitetit në Evropën Juglindore”, thuhej asokohe nga nga njoftimi i DASh-it.