Ministri i Mbrojtjes, Ejup Maqedonci, është takuar të enjten me të ngarkuarën me punë në ambasadën e Shteteve të Bashkuara të Amerikës në Kosovë, Anu Prattipati, dhe gjeneralin e brigadës, Chris A. McKinney.
Në qendër të diskutimeve ishin çështjet e sigurisë dhe bashkëpunimi strategjik mes dy vendeve.
Maqedonci e bëri të ditur takimin përmes një postimi në Facebook, ku theksoi rolin e SHBA-së si partner kyç në rrugën e Kosovës drejt anëtarësimit në NATO dhe në ruajtjen e stabilitetit në Ballkanin Perëndimor.
Ai gjithashtu informoi zyrtarët amerikanë për të arriturat e deritanishme të Forcës së Sigurisë së Kosovës (FSK), duke nënvizuar angazhimin për fuqizimin e kapaciteteve ushtarake përmes blerjeve të reja.