Drejtori i Inteligjencës së Mbrojtjes Finlandeze, Pekaa Turunen, ka vizituar Kosovën të hënën, ku me komandantin e KFOR-it, gjeneral Enrico Barduani, kanë diskutuar për situatën aktuale në rajon.
KFOR-i përmes një postimi në Facebook se Turunen foli për dialogun Kosovë-Serbi, duke thënë se mbështet atë “i ndërmjetësuar nga Bashkimi Evropian”.
“Gjatë takimit, gjeneralmajor Barduani ndau qëndrimet e tij për situatën aktuale të sigurisë në tërë rajonin dhe nënvizoi përpjekjet e KFOR-it për të siguruar një mjedis të sigurt për të gjithë njerëzit që jetojnë në Kosovë, si dhe në mbështetje të dialogut të ndërmjetësuar nga Bashkimi Evropian mes Prishtinës e Beogradit”, thuhet në njoftim.
KFOR-i ka përsëritur thirrjen se punon ngushtë me EULEX-in dhe Policinë e Kosovës për ofrim të sigurisë dhe lirisë së lëvizjes “në çdo kohë dhe në mënyrë të paanshme”.