Në pikën e re të librarisë Dukagjini, në Interex te Central Park në Fushë Kosovë, lexuesit do t’i ofrohet një mundësi e re për t’u bërë pjesë e botës së librit.
Në këtë hapësirë të re do të gjeni mbi 10 mijë tituj nga autorët më të njohur vendorë dhe ndërkombëtarë, libra nga zhanret më të ndryshme, dhe padyshim, titujt më të shitur dhe më të kërkuar të momentit.
Kjo hapje shënon një tjetër sukses të rrjetit tonë dhe një mundësi të re për t’ju sjellë më afër botës së leximit. Ju ftojmë të gjithëve të vini, të eksploroni dhe të festojmë së bashku këtë hap të rëndësishëm për kulturën e leximit në vendin tonë.
Mirë se vini në shtëpinë e re të librit – Dukagjini Bookstore, Vitalend – Central Park, Fushë Kosovë!
Pika e re e librarisë, do ta ketë hapjen me datën 04 prill 2025, ditë e premte.
