Sa i përket pandëshkueshmërisë në Kosovë, analisti Ylli Hoxha u shpreh se nuk është bërë asnjëherë një kualifikim i tillë, ai u shpreh se të gjithë janë njerëz të njejtë por, ekziston një deformim i relacionit me ligjin, e që sipas tij këtë e manifestoi edhe vetë Shala.
Hoxha në emisionin “Debat Plus” pranoi se Smakiqi konsiderohet si polic jo i mirë, dhe sipas tij Smakiqi mund të ketë ushtruar dhunë.
“Nuk e përjashtoj mundësinë që ai të jetë i dhunshëm, por në atë rast kanë qenë edhe disa policë, a janë edhe ata të përfshirë, sepse edhe një polic tjetër ka gjuajtur me sprej” duke iu drejtuar Shalës se “a janë edhe ata kriminelë?”
Sipas Hoxhës, një gjeneral si Lushtaku i cili ka merita nuk i takon që të dalë në 12 të natës në vend të ngjarjes, edhe nëse i dënohet djali apo nëse i goditet me shuplakë por duhet që të padisë policin në fjalë në inspektorat.
“Nëse Lushtaku mendon që mund të intervenojë aty dhe të bëjë ligjin aty për aty me Smakiqin atëherë keni problem me të kuptuarit e ligjit dhe të kuptuarit e shtetit,” u shpreh analisti Yll Hoxha.
Ndër të tjera Hoxha shtoi se aty kanë hyrë anëtarë të familjes në konflikt.