Policia Ushtarake e Forcës së Sigurisë së Kosovës(FSK), të martën e pesë korrikut, po trajnohet së bashku me Policinë Ushtarake të Forcave të Armatosura Kroate.
Ministri i Mbrojtjes, Armend Mehaj përmes një postimi në Facebook, ka shkruar se në Split të Kroacisë është realizuar trajnimi në kontrollin e trafikut gjatë qarkullimit të mjeteve transportuese dhe mjeteve tjera ushtarake.
“Përpos avancimit të shkathtësive, ky trajnim mundësoi edhe shkëmbimin e përvojave, si dhe thellimit të bashkëpunimit edhe në të ardhmen për trajnime tjera të përbashkëta”, ka shkruar ai në Facebook.
Ndërsa, më 27 qershor, ushtarët e FSK-së kanë marrë pjesë në ushtrimin “Cambrian Patrol 2022”.
Kjo informatë është përcjellur përmes një njoftimi në Facebook nga ministri i Mbrojtjes, Armend Mehaj i cili ka thënë se ky ushtrim është gara më e famshme e Ushtrisë britanike dhe aleatëve të saj.
Komandot e FSK-së, pjesë e ushtrimeve të garës më të famshme të Ushtrisë britanike