Nënkryetari i Listës Serbe, Milan Radojçiq, ka sfiduar shtetin e Kosovës, duke e postuar një video nga pjesa veriore e Republikës së Kosovës.
Radojçiq, ka thënë së është kthyer në Veri të vendit,” Për popullin tim në veri dhe për të gjithë serbët.
Ai në këtë video mesazh i’u kishte drejtuar serbëve lokal dhe Institucioneve të Kosovës, duke i’u thënë, “unë jam këtu, jam kthyer dhe ju e dini se çfarë do të thotë sepse nga këtu nuk ka kthim prapa”, shihet në videon e publikuar nga mediumi Kosova Online, në YouTube.
Ai ka pretenduar se “Terrori i vërtetë kundër popullit tonë serb po fillon tani”.
“Rroftë Serbia”, ka përfunduar duke thënë Radojçiq.
Milan Radojçiq është duke u kërkuar nga Policia e Kosovës me urdhër të Prokurorisë së Kosovës për rastin “Brezovica”.
Policia e Kosovës nuk ka pasur sukses që të arrestojë në tri tentativat e saj.