Më 4 korrik, në Filadelfia të ShBA-së është mbajtur koncerti i Ava Max për ditën e pavarësisë së ShBA-së.
Këngëtarja e muzikës pop Ava Max është shkatërruar pas ngjarjeve të të shtënave të 4 korrikut në Filadelfia të Pensilvanisë, pak pasi ajo performoi në koncertin “Wawa Welcome America”.
Në një deklaratë të re të postuar në mediat sociale, Max ndau ngushëllimet dhe shkatërrimin e saj pas sulmit me armë.
“Nuk e di se në çfarë ka ardhur ky vend. Kudo që shkojmë jemi të tmerruar. Jemi të traumatizuar. Kjo duhet të marrë fund. Unë lutem që të gjithë të qëndrojnë të sigurt në shfaqjet dhe ngjarjet e ardhshme”, ka shkrua Max.
Këngëtari i “Kings & Queens” dhe Jason Derulo performuan në një koncert të 4 korrikut në Filadelfia të hënën si dhe Tori Kelly dhe një fishekzjarr spektakolar pasoi setin e tyre. Të shtëna me armë shpërthyen në Centre City teksa shfaqjes po i vinte fundi.
Rreth orës 21:50, teksa të gjithë po shikonin fishekzjarrët për t’i dhënë fund ngjarjes, dy oficerë policie që punonin në festimet u qëlluan pranë Muzeut të Artit në Filadelfia. Qindra të pranishmit u larguan nga vendi i ngjarjes.
Kryetari i bashkisë së Filadelfias Jim Kenney shkroi në Twitter për të shtënat e 4 korrikut: “Të shtënat sonte në Parkway janë një incident vërtet i tmerrshëm për qytetin tonë. Jam thellësisht mirënjohës që dy oficerët nuk u plagosën rëndë dhe janë trajtuar e liruar nga spitali.
Crowd running away from the shooting during the Parkway Fireworks#Philadelphia #Shooter pic.twitter.com/q1VanmrVzN
— Tyler Doudrick (@Doudrick) July 5, 2022
“Ne do të vazhdojmë të bëjmë gjithçka që mundemi për të luftuar dhunën me armë në qytetin tonë – duke përfshirë marrjen e një numri rekord të armëve nga rrugët – por ne po bëjmë një betejë të vështirë. Ne po i lutemi ligjvënësve që të na ndihmojnë të ndalojmë fluksin e armëve në vendin tonë”, vazhdoi ai.