Presidenti i Serbisë, Aleksandër Vuçiq, është takuar me përfaqësuesit e serbëve nga Kosova.
Lajmin e ka bërë të ditur vetë Presidenti serb përmes një postimi në Facebook.
Pjesë e këtij takimi është edhe Nënkryetari i Listës Serbe, Milan Radojçiq, i cili kërkohet nga autoritetet e rendit në Kosovë, ndërsa në fillim të korrikut të këtij viti, ai kishte publikuar një video nga pjesa veriore e Republikës së Kosovës
”Për popullin tim në veri dhe për të gjithë serbët”, kishte thënë ai.
Kryetari i Komunës së Shtërpcës, Dalibor Jevtiq, ka thënë se targat dhe dokumentet e Kosovës janë vetëm një arsyetim për autoritetet në Prishtinë që të dëbojnë serbët dhe të shmangin formimin e Unionit të Komunave Serbe.
“Nuk është thelbi i targave dhe dokumenteve, por se për një kohë të gjatë ka qenë nevoja që serbët të vihen në një pozitë sa më të vështirë, për të lënë Kosovën, sepse kur pyes unë, serbët në jug të Ibërit i kanë riregjistruar veturat e tyre, kanë dokumente të Kosovës, prandaj kemi bastisje të shpeshta nga forcat speciale në jug deri në Ibër, veçanërisht në Shtpac”, ka thënë Jevtic për Televizionin “Prva” para fillimit të takimit.
Ndonëse u takuan dy herë përgjatë vitit 2021, negociatat në Bruksel midis kryeministrit të Kosovës, Albin Kurti dhe presidentit të Serbisë, Aleksandër Vuçiq, nuk patën ndonjë rezultat konkret.
Më 18 gusht 2022 ata u ritakuan sërish në Bruksel, në kuadër të dialogut të ndërmjetësuar nga Bashkimi Evropian.
Përgjatë këtij takimi, presidenti Vuçiq në kuadër të procesit të dialogut Kosovë-Serbi ka caktuar një takim në Beograd me serbët nga Kosova.
Takimi ishte paralajmëruar të mbahej të dielën në orën 11:00 në Pallatin “Serbia”, raporton mediumi serb, Novosti.
Në takim janë të ftuar të gjithë përfaqësuesit politikë dhe institucionalë të serbëve nga Kosova, liderët e Listës Serbe, të gjithë kryetarët serbë të komunave, kryetarët e rretheve dhe drejtorët e spitaleve.
Vuçiq nga Brukseli cakton takim në Beograd me serbët e Kosovës