Josep Borrell, Përfaqësuesi i Lartë i Bashkimit Evropian (BE) për Marrëdhëniet me Jashtë dhe Politikën e Sigurisë, ka thënë se “pengesa e grurit në Ukrainë po hiqet falë Kombeve të Bashkuara (OKB) dhe Turqisë. Shpresojmë që kjo të normalizohet. Sepse drithi për të cilin po flasim është 20 milionë tonë”.
Nëse 20 milionë tonë drithëra dhe luledielli nuk do të ishin zhbllokuar, për Borrellin, i bie që dikush në botë, nuk do të mund të hajë, si pasojë e mungesës së ushqimit.
Inflacioni që u shkaktuar nga pandemia COVID-19 dhe Luftë në Ukrinë, ka shkaktuar probleme financimin, ushqimin dhe energjinë. Sipas Borrell-it nuk mund të zgjidhen për një kohë të shkurtër.
Tutje ai ka thënë se “ndoshta është si një shaka, por një person që dëshiron të blejë një makinë të re në Evropë duhet të presë për 1 vit”.
Borrell mori pjesë në një seminar mbi të ardhmen e Evropës gjatë kursit veror të organizuar nga Universiteti Ndërkombëtar Menendez Pelayo në Santander të Spanjës.
Në fjalimin dhe në konferencën për media që mbajti më pas, Borrell, ka theksuar se lufta midis Ukrainës dhe Rusisë “nuk është një luftë e vogël dhe 10 milionë ukrainas janë larguar nga vendi i tyre”, ai tha se “është një luftë e madhe që mund të ketë pasoja të mëdha” transmeton Anadolu Agency (AA).