Zjarret e shumta përgjatë verës vazhdojnë të shkatërrojnë zona të mëdha pyjore në Spanjë, Francë dhe Portugal, pasi thatësira ka goditur Evropën dhe Mbretërinë e Bashkuar, duke lënë dhjetëra mijëra hektarë në rrezik dhe njëherësh, edhe disa shkencëtarë të zënë me mbledhjen e mjegullës.
Mbledhja e mjegullës është metoda e cila po përdoret nga projekti “Life Nieblas”, projekt ky i mbështetur nga Bashkimi Evropian, për të përmisuar peizazhin e degraduar dhe ripyllëzimin.
“Mbledhësit e mjegullës, fletët e rrjetës plastike të ngritura në shtegun e erës , ekzistojnë tashmë, por nuk janë përdorur kurrë në mënyrë efikase”, thotë Vicenç Carabassa, shkencëtari kryesor i projektit, i cili punon për Qendrën për Kërkime Ekologjike dhe Aplikime Pyjore (Creaf), një institucion kërkimor në Universitetin Autonom të Barcelonës.
“Grumbullimi i mjegullës është veçanërisht i zbatueshëm në rivendosjen e pyjeve të dafinës të Ishujve Kanarie , të cilat vetëekzistojnë duke mbledhur ujin e mjegullës,” thotë Carabassa.
Pikat e ujit nga mjegulla kondensohen në gjethet me shkëlqim, transmeton “The Guardian“.
“Sistemi lejon që fidanët të lulëzojnë derisa të jenë mjaftueshëm të pjekur për të kapur ujin vetë”, shton ai.
Për të funksionuar mirë, mbledhësit e mjegullës kanë nevojë për mjegull dhe erë, kushte që ekzistojnë në Kanarie dhe Portugali, por më pak në Mesdhe, ku zjarret e pyjeve dhe shkretëtirëzimi janë një problem në rritje.
“Ne jemi ende duke u përpjekur të zbulojmë se cilat janë kushtet optimale për të punuar mbledhësit e mjegullës,” thotë Carabassa.
Në Gran Canaria, qëllimi është të sigurohen 215,000 litra mjegull dhe ujë vesë në vit për të ripopulluar 35 hektarë me 20,000 pemë dafine në pyllin Doramas, një zonë me rrezik të lartë shkretëtirëzimi si rezultat i zjarreve.
Një pajisje tjetër që po testohet së bashku me kolektorët e mjegullës është “fshikëza”, një enë e biodegradueshme në formë krofoli, e bërë nga kartoni i ricikluar që rrethon vrimën ku është mbjellë një fidan dhe që mund të mbajë 25 litra ujë. Ai siguron ujë dhe strehë për fidanin, të paktën gjatë vitit të parë të tij, i cili zakonisht është më kritiki.
Fshikëzat janë testuar në Spanjë, Itali dhe Greqi, ku u mbollën në toka dhe klima të ndryshme së bashku me një grup kontrolli të mbjellë në mënyrë konvencionale.
Kjo metodë u zhvillua nga firma holandeze “Land Life” dhe përdoret në të gjithë botën, por projekti “Green Link”, i drejtuar nga Creaf dhe partnerët e tij si pjesë e projekti “Life Nieblas”, është fokusuar në një plantacion me bajame organike në Almeria, si dhe skemat e ripyllëzimit në Valencia, Alicante, Katalonjë, Itali dhe Greqi.
Me motin ekstrem që ka të ngjarë të çojë në më shumë zjarre, shpresohet që këto teknika të përshpejtojnë procesin e ripyllëzimit prej dekadash.
