Anëtarja e PSD-së, Teutë Rrusta, ka thënë se spreji për vetëmbrojtje duhet të legalizohet nga institucionet e sigurisë.
Sipas saj, ky sprej nuk duhet të konsiderohet si armë. Një të tillë, Rrusta e ka marrë në emisionin “Debat Plus”, ku ishte e ftuar për të diskutuar për zhvillimet e fundit në vend dhe për përdhunimin e 11-vjecares nga pesë persona.
“Unë kam marrë sprej me vete, të tregojë që nuk është realisht armë, është mjet me të cilin mundesh, shoqet feministë në Amerikë, Francë, Spanjë dhe gjermani mbrohen. Ato i kanë kushtet shumë më të mira, dhe prapë ju duhet, sepse nëse flasim se cila është kategoria më e nëpërkëmbur në botë është gruaja”, ka thënë ajo.
Ajo ka thënë se nuk duhet të pritet që të forcohet shteti, sepse plot gra e vajza sipas saj, ndihen të rrezikuara dhe ato duhet të mbrohen apo vetëmbrohen.