“Veriu është i yni, policët janë të tanët, me përulje për gratë dhe burrat në shërbim të shtetit dhe kombit tonë” , ka deklaruar Deputeti i Lëvizjes Vetëvendosje Haki Abazi.
Abazi, ka pasur lëvdata për policinë e korruptuar por edhe kritika për infrastrukturën shëndetësore të QKUK-së, gjithashtu ka thënë se policia në vend të sigurimit jetësor si kompensimi i kanë autoblindat.
“Në mal pa sëpatë!” është titulli një shkrimi të Abazit në Facebook ku ka shumë lëvdata për Policinë e Kosovës.
“Në dhomën e spitalit, vrimat e policit të plagosur janë dëshmia e trimërisë, vendosmërisë dhe patriotizmit në vepër. Po, në vepër jo në teorinë e kapelës së Leninit as në çantën e varur në krahun e majtë për të tërhequr supin e krahut duke e bindur veten për pazëvendësueshmërinë e species unikale të zbritur nga qielli si misionar ideologjik. Etni e njëjtë por mendësi patriarkale e Mugoshës”, ka krahashuar Abazi.
“Në dhomën e spitalit kirurgjik vrimat e prizave dhe spinave te kacavjerrura mbi kokën e policit ishin poashtu evidente, ato pune të kryera shkel e shko me gërdi. Atë vrima mbi kokën e policit që kishte vrimën e bërë nga armiku, po vrimën e prizave, po bezat e bardhë të shkoqur që dukeshin si skenografi e një drame trishtuese”, ka shtuara ai .
Më tej ai ka pasur kritika për gjendjen e QKUK-së ku sipas tij është duke munguar përgjegjësia në kryerjen e punëve dhe është bërë dëmit i hapësirës.
“Në oborrin e QKUK kishte shumë vrima nga një kontraktor që po bënte kalime në mes të hapësirës së gjelbër, po asaj pak hapësirë të gjelbër që ka mbetur në atë QKUK ku rrinte qeni topall. Aty përball kishte një ndjesi për vrimat që u bënë mbi trupin e nënës dhe foshnjës”, ka shkruar Abazi.
“E lashë policin në dhomën, afër tij kollitej me gjëmë një i sëmurë tjetër… Polici kishte zemrën më të madhe që e keni parë, ai fliste vetëm për shokët e tij, ata që e duan këtë vend me jetën e tyre”, ka rrëfyer Abazi.
Ndërkohë Abazi, ka vlerësuar që Policia e Kosovës është e gatshme që të përballet me prokurorët e gjyqtarët korruptuar.
“Ata që plumbin se bëjnë hesap e lere më avokatin, prokurorin e gjyqtarin e korruptuar deri në palcë që ka te veshura rroba me mijëra euro e mbathje me qindra euro ndërsa kombibusi i policëve tanë nuk ka bateri dhe ndoshta ajo makina e blinduar së paku do të vije si kompensim për mungesën e sigurimit jetësor, ka përfunduar Abazi.