Kryeministri i Malit të Zi, Dritan Abazoviq, është shprehur i gatshëm të jap dorëheqje nga pozita të cilën e mbanë.
Këtë deklaratë, i pari i qeverisë malazeze, e dha për mediumin “Vijesti”.
”Të gjithë duhet të kemi konsensus më të gjerë për zhbllokimin e gjyqësorit, të Gjykatës Kushtetuese. Le të kontribuojmë të gjithë për këtë dhe të themi: ‘Mirë, po shkojmë në zgjedhje të reja’. Por para kësaj, le ta bëjmë punën të përbashkët. Nëse kolegët demokratë, nëse e kam interpretuar saktë njoftimin, mendojnë kështu, unë jam gati të jap dorëheqjen”, është shprehur Abazoviq.
I pyetur se si e sheh një rrugëdalje nga situata aktuale, Abazovic u përgjigj duke thënë se zgjidhja më e mirë është dialogu
“Rrugën e shoh gjithmonë në dialog, nuk ka nevojë të ngremë tensione dhe të ngremë tema që nuk i interesojnë qytetarët… Pavarësisht gjithçkaje, vendi ynë është në rrugën e duhur dhe duhet të gjejmë një marrëveshje për të zhbllokuar rrugën europiane… Nuk mundemi. të ndryshojmë të kaluarën, gjithçka që mund të bëjmë është të ndryshojmë të ardhmen”, ka thënë Abazoviq.
Për Ballkanin e Hapur, Abazoviq tha se “gjithçka që mund të përshpejtojë integrimin është e pranueshme, dhe gjithçka që është zëvendësim për integrimin në BE është e papranueshme”.
“Procesi i Berlinit është në rregull nëse pranohet, funksionon edhe Ballkani i Hapur. Kemi një situatë ku ka pritje në kufijtë tanë. Pyes zyrtarët e turizmit nëse është më mirë të kemi një kufi fleksibël, apo të kthejmë njerëzit? Më shumë kufij, më shumë kontrabandë. Kjo është ajo.” tha Abazoviq.
Ditë më parë, partia e presidentit të Malit të Zi, Milo Gjukanoviq, ka vendosur të tërheqë mbështetjen e saj ndaj qeverisë aktuale.
ky vendim erdhi pasi qeveria e Malit të Zi, ka miratuar draft-kontratën me Kishën Ortodokse Serbe, gjë për të cilën kjo qeveri nuk ka mandat dhe pajtueshmëri të plotë politike.
E njëjta ishte votuar për të shtyrë përpara agjendën evropiane të vendit.
Partia DPS, nga 81 deputetë sa janë gjithsej, ka 29 deputetë në parlamentin malazez.
Kjo parti doli me një qëndrim se qeveria e ka humbur mbështetjen e kësaj partie, nga e cila edhe varet jetëgjatësia e qeverisë së kryeministrit Abazoviq.