Kryetari i LDK-së, Lumir Abdixhiku, në Kongresin Amerikan është pritur nga Kongresmeni Republikan Robert Aderholt, gjersa ka theksuar se këtë të fundit e ka falënderuar për mbështetjën e vazhdueshme që i ka dhënë Kosovës.
Tutje, Abdixhiku në postimin e tij në rrjetin social Facebook, ka thënë se Kongresmeni Aderholt është një mik i madh i Kosovës, i cili ka shtyrë në vazhdimësi pozicionin e Kosovës në politikën e jashtme amerikane.
“Kongresmeni Aderholt është një mik i madh i Kosovës. Në rolin e bashkëudhëheqësit të grupit për çështjet shqiptare, ai ka shtyrë në vazhdimësi pozicionin e Kosovës në Kongresin Amerikan dhe politikën e jashtme amerikane”, ka shkruar Abdixhiku.
Tutje, ai ka theksuar se e ka ftuar Aderholt për vizitë në Kosovë.
Ndër tjera, Abdixhiku ka shkruar se populli i Kosovës mbetet falënderuar për kontributin e Kongresistëve në momente të ndryshme historike. Gjersa ka theksuar, se një mbështetje e tillë na nevojitet edhe në ditët e sotme.
“Populli i Kosovës mbetet falënderues për kontributin e Kongresistëve në momente të ndryshme historike. Për këtë mbështetje kemi nevojë edhe sot”, ka përfunduar Abdixhiku.
Përveç këtij, Abdixhiku ka theksuar se ka takuar edhe Kongresmenin Demokrat, Dutch Ruppersberger.
Gjersa ka theksuar se përvoja e këtij të fundit në politikën amerikane është vlerë e jashtëzakonshme.
Ndërsa ka thënë se roli i tij për Republikën e Kosovës është mundësi e madhe.
Abdixhiku ka bërë të ditur se tema e diskutimit me Ruppersberger ka qenë shndërrimi i bazës amerikane në bazë ushtarake të përhershme.
“Kongresmeni Ruppersberg ka përkushtim të madh për rrugëtimin e Kosovës drejt familjes euroatlantike. Kontributi i tij në këtë drejtim do të jetë jetik për të ardhmen e sigurisë së popullit tonë”, ka shkruar Abdixhiku.
Ndër të tjera, ai ka thënë se e ka ftuar edhe Rulpersberger për vizitë në Kosovë.
“Kongresmenin Dytch Ruppersberger e ftova dhe për vizitë në Kosovë”, ka përfunduar Abdixhiku.
