Kandidati i Lidhjes Demokratike të Kosovës (LDK) për kryeministër, Lumir Abdixhiku, ka zhvilluar një tubim elektoral në fshatin Vrellë të Istogut, ku është pritur nga qytetarët me entuziazëm të jashtëzakonshëm.
Përkundër temperaturave të ulëta prej rreth zero gradë Celsius, Abdixhiku ka theksuar se LDK është një forcë e dashurisë për Kosovën dhe qytetarët e saj.
“Si ta shpjegojmë ndryshe, veçse dashni, kur në ora 21:30 të mbrëmjes, në temperaturë rreth zero gradë, na prisnin kaq shumë dhe kaq zjarrtë në fshatin Vrellë të Istogut! LDK është dashni!”, ka shkruar në Facebook, Abdixhiku.
Ai ka shtuar se kjo mbështetje tregon qartë që LDK po shkon drejt fitores dhe se nuk ka asgjë më pak se fitorja.
“Po shkojmë për fitore dhe asgjë më pak! Ilir, të lumtë kampion. Kandidatëve, suksese!”, ka shkruar tutje Abdixhiku.