Abdixhiku për vendimin e MINT-it: Fjala e lirë do të triumfojë, ftoj organet e drejtësisë të mbrojnë vet demokracinë

Ndaj vendimit të MINT-it për mediumin Klan Kosova ka reaguar dhe kryetari i LDK-së, Lumir Abdixhiku, i cili e ka cilësuar si sulm të një “pushteti autoritar” ndaj fjalës së lirë dhe se sipas tij “është sulm i paranojës propagandistike ndaj vet demokracisë”

Kryetari aktual i LDK-së, Lumir Abdixhiku

Ndaj vendimit të MINT-it për mediumin Klan Kosova ka reaguar dhe kryetari i LDK-së, Lumir Abdixhiku, i cili e ka cilësuar si sulm të një “pushteti autoritar” ndaj fjalës së lirë dhe se sipas tij “është sulm i paranojës propagandistike ndaj vet demokracisë”.

“Në këtë betejë, të paprecedentë, nuk është vetëm një televizion. Janë të gjitha mediat, gazetarët e promovuesit e fjalës së lirë. Jemi të gjithë, individualisht e kolektivisht. Prandaj dhe në këtë përballje do të jemi bashkë të gjithë. Fjala e lirë do të triumfojë”, ka shkruar Abdixhiku.

Ai ka thënë se shoqëria kosovare ka triumfuar dhe në përballje më të rënda dhe se “do ta kapërcejë dhe këtë”.

Abdixhiku ka ftuar organet e drejtësisë, gjykatat e Republikës, të mbrojnë vet demokracinë.

“Urdhërdhënësit e PolitByrosë dhe ekzekutuesit e këtyre urdhrave brenda institucioneve të shtetit, do të mbahen përgjegjës para ligjit herët apo vonë. Pushtetet janë të përkohshme, shteti mbetet i përhershëm”, ka shtuar ai.

Për këtë ka reaguar dhe zëdhësja e kësaj partie, Sibel Halimi.

“Vendi ynë është duke ecur mbrapa, këtë nuk duhet lejuar. Gjendja e krijuar nuk ka të bëjë më me beteja politike, por me mbrojtjen e vlerave më fundamentale të demokracisë, si liria, mendimi dhe shprehja e lirë”, ka shkruar Halimi.

Sipas saj, në këtë rast reagimi mbarëshoqëror është domosdoshmëri emergjente.

“Heqja e frikës se kundërshtimi i VV tkurrë elektoratin: Rruga pa Albin Kurtin duhet të mbushet me udhëtarë të zëshëm që nuk e duan poshtërimin e Kosovës nga injoranca e Qeverisë së VV-së dhe veprimet e saj populliste, autoritariste dhe kundërligjore”, ka shkruar tutje Halimi.

Shija e redaktorit

Hysni Gucati, kryetar i ri i OVL-UÇK-së

Delegatët Kuvendi i pestë zgjedhor i Organizatës së Veteranëve të Luftës së Ushtrisë Çlirimtare të Kosovës, ia kanë besuar një mandat 4 vjeçar Hysni...

Walker: Ajo çka ndodhi në Reçak, ndryshoi Ballkanin

Ish-shefi i Misionit Verifikues të OSBE-së në Kosovë, ambasadori William G. Walker, ka rikujtuar masakrën së Reçakut, duke e cilësuar atë si një moment...

“Reçak: Historia e një krimi lufte”, nga William G. Walker...

Edhe pak ditë na ndajnë nga dita kur libri “Reçak: Historia e një krimi lufte” nga William Walker-i do të shohë dritën e botimit,...

Të fundit nga rubrika