Asociacioni i Gazetarëve të Kosovës (AGK) ka thënë se sulmet e partisë në pushtet, Vetëvendosje ndaj mediave si Periskopi e Nacionale, kanë vazhduar edhe ditën e enjte.
Sipas AGK-së, një asamblist i kësaj partie në Prizren, Selman Sokoli, duke iu referuar gazetarëve të Nacionales dhe Periskopit, ka shkruar “këta i paskan dresiratë si zagartë”.
Po ashtu, edhe Fahri Beqa, i Lëvizjes Vetëvendosje në Gjermani, ka shkruar në Facebook: “Radojçiqi e Vuçiçi të dhanë paratë”, duke iu referuar një lajmi për Ilir Mirenën – drejtues i portalit “Periskopi”.
Sipas AGK-së, Qëndrim Krasniqi, i Lëvizjes Vetëvendosje në Britani të Madhe ka shkruar se: “portalet po e sulmojnë RTK-në në kor”, me urdhër të Radojçiqit.
![](https://scontent.fprn3-1.fna.fbcdn.net/v/t39.30808-6/452864087_891904309641644_836681062614792236_n.jpg?_nc_cat=110&ccb=1-7&_nc_sid=127cfc&_nc_ohc=MxFGrSuK1mUQ7kNvgFfwOPD&_nc_ht=scontent.fprn3-1.fna&oh=00_AYBjfg93gfOwKZyqmf2pIEmRrYTMVbP74mrKhyFgDmtTaQ&oe=66A814C0)
Në reagimin e tyre, AGK thotë se kjo gjuhë denigruese dhe linçuese, “po i vë seriozisht në rrezik të gjithë gazetarët që punojnë në këto dy media dhe është koha e fundit që Vetëvendosje dhe njerëzit e saj të ndalën nga kjo praktikë e rrezikshme dhe papranueshme”.