Një aksident ka ndodhur të martën pasdite në rrugën Prishtinë – Gjilan ku një veturë ka goditur një këmbësore.
Këtë e ka konfirmuar për Portalin Dukagjini, zëdhënësja e policisë për rajonin e Prishtinës, Flora Ahmeti.
Policia ka thënë se në aksident ishin të përfshira dy vetura dhe këmbësorja. Viktima është dërguar për tretman mjekësor, ndërkohë me rastin po merret njësiti i trafikut.
“Rreth orës 17:00 kemi pranuar informatën se në rrugën Prishtinë- Gjilan, ka ndodhur një aksident trafiku me lëndime. Në këtë aksident kanë qenë të përfshirë, një këmbësore dhe dy automjete. Si pasojë e aksidentit lëndime trupore ka pësuar këmbësorja dhe e njëjta është dërguar për tretman mjekësor. Me rastin po merret njësiti i trafikut”, ka thënë Ahmeti.