Një autobus me turistë nga Kosova, të hënën është përplasur në degën e një peme në qytetin e Vlorës.
Sipas njoftimeve në media, autobusi është përplasur me një nga degët e pemës dhe ka ngecur në vend.
Në momentin që autobusi ka qenë duke kaluar, është shkëmbyer me një kamion dhe nuk ka arritur të manovrojë dot. Ai ka ecur drejt dhe është përplasur me pemën.
Pritet që të mbërrijë një vinç i madh për të zhvendosur autobusin dhe një sharrë për të prerë degën e pemës.
Përveç dëmeve materiale, nuk raportohet për ndonjë të lënduar.