Aksioni i Policisë në Ministrinë e Mjedisit – Dy të dyshuar për keqpërdorim të detyrës e shpëlarje parash

Policia e Kosovës ka zhvilluar një aksion në Ministrinë e Mjedisit, pasi dy persona dyshohen për keqpërdorim të detyrës zyrtare dhe shpëlarje të parasë

Dy vetura të Policisë se Kosovës, tek objekti i Ministrisë së Mjedisit, Planifikimit Hapësinor dhe Infrastrukturës – 8 tetor 2024.

Prokuroria Speciale e Kosovës ka konfirmuar se po zhvillohet një aksion në Ministrinë e Mjedisit, Planifikimit Hapësinor dhe Infrastrukturës (MMPHI), lidhur me dy persona të dyshuar për kryerjen e veprave penale të keqpërdorimit të detyrës zyrtare, shpëlarjes së parasë dhe mosraportimit të pasurisë.

Siç ka thënë Prokuroria për Dukagjinin, dy të dyshuarit po hetohen për shkelje të Kodit Penal të Kosovës (KPK), përkatësisht neneve 414 (keqpërdorimi i detyrës zyrtare), 302 (shpëlarja e parasë) dhe 430, paragrafi 2 (mosraportimi i pasurisë).

Prokuroria ka theksuar se pas përfundimit të aksionit, do të ofrohen më shumë detaje.

“Lidhur me rastin për të cilin keni pyetur, ju informoj se me urdhër të Prokurorisë Speciale të Kosovës është duke u zhvilluar një aksion në MMPHI. Janë dy persona të dyshuar për kryerjen e veprës penale që lidhen me keqpërdorimin e detyrës zyrtare nga neni 414 i KPK-së, shpëlarjes së parasë nga neni 302 i KPK-së dhe veprën penale të mosraportimit apo raportimit të rremë i pasurisë, të të ardhurave, të dhuratave, të dobisë tjetër materiale ose detyrimeve financiare, nga neni 430, paragrafi 2 i KPK-së”, thuhet në përgjigjen e Prokurorisë për Dukagjinin.

Policia e Kosovës ka dërguar dy vetura zyrtare në objektin e MMPHI, dhe dyshohet se zëvendëssekretari i përgjithshëm i Ministrisë, Izedin Bytyqi, është parë në njërën nga veturat e Policisë.

Bytyqi i shoqëruar nga zyrtarët policorë është larguar nga objekti i ministrisë.

Shija e redaktorit

Hysni Gucati, kryetar i ri i OVL-UÇK-së

Delegatët Kuvendi i pestë zgjedhor i Organizatës së Veteranëve të Luftës së Ushtrisë Çlirimtare të Kosovës, ia kanë besuar një mandat 4 vjeçar Hysni...

Walker: Ajo çka ndodhi në Reçak, ndryshoi Ballkanin

Ish-shefi i Misionit Verifikues të OSBE-së në Kosovë, ambasadori William G. Walker, ka rikujtuar masakrën së Reçakut, duke e cilësuar atë si një moment...

“Reçak: Historia e një krimi lufte”, nga William G. Walker...

Edhe pak ditë na ndajnë nga dita kur libri “Reçak: Historia e një krimi lufte” nga William Walker-i do të shohë dritën e botimit,...

Të fundit nga rubrika