Kryetari i Partisë Socialdemokrate (PSD), Dardan Molliqaj, gjatë një aksioni simbol të mbajtur nga ky subjekt pran urës së Ibrit, ka kritikuar veprimet e deritashme të Qeverisë dhe të kryeministrit Albin Kurtit.
Në këtë aksion, anëtarët e PSD-së e kanë prezantuar një pankartë, të cilën e kanë titulluar “Rrugëtimi i Kurtit” e që në të shkruhen edhe veprimet e ndërmarra nga Qeveria e Kosovës.
Molliqaj duke theksuar se veprimet e Kurtit çojnë në izolim, ka potencuar se shëtitjet e Kurtit nëpër vendet e caktuara në veri nuk janë asgjë tjetër veçse fotografi për vota.
Molliqaj ka thënë po ashtu se ura e Ibrit hapet vetëm me pëlqimin e ndërkombëtarëve dhe KFOR-it, transmeton KP.