Policia e Kosovës të premten ka konfiskuar sasi të konsiderueshme armësh gjatë operacionit të sotëm në veri, në të cilin ka kontrolluar dy lokacione, njëri në pronësi të Marjan Radojeviqit e tjetri të Zarko Cvetkoviqit.
Radojeviq e Cvetkoviq janë në listën e të kërkuarve për sulmin në Banjskë më 24 shtator, në të cilin mbeti i vrarë rreshteri Afrim Bunjaku.
Sipas njoftimit të Policisë, njëri lokacion nga ku u konfiskuan armët ishte afër vendit të njohur si “Tre Rokaqiejt” i lidhur me Radojeviqin, ndërsa tjetri në rrugën “Qeta e Minatorëve” i lidhur me Cvetkoviqin.
Operacioni u zhvillua “në bashkëpunim me Agjencinë Kosovare për Inteligjencë (AKI) dhe qytetarët”.
Armët që u konfiskuan:
Lokacioni 1:
- 3 Arme te gjata AK-47
- 4 Karikatore me 60 fisheke
- 1 keher me 11 Fishek
- 1 kellef revole
- 1 cante ushtrake
Lokacioni 2:
- 1 rrip brezi me 25 fishek per arme gjuetie.
- 23 fishek per arme gjuetie
- Pistolete TT me 1 karikatore me 8 fishek
- 3 karikator me nga 8 fishek
- 2 karikator ne fotrolle
- 28 fishek per arme te gjate
- 10 kreher me fishek te armës se gjate (99 fishek)
- 1 kuti me fishek 7×62
- 4 pastruese te armës
- Kuti me lende te dyshimte
Lokacioni 3:
- Arme e gjate me bajonete
- 1 pistolete me 2 karikatore me nga 8 fishek 7×62 dhe 1 fotroll.
- Cante e zeze me pajisje per pastrim te armës
- 2 kutia me nga 50 fishek 7×62
- 3 karikatore me fotrolla me nga 8 fishek
- Arme e gjate gjuetie me cante.
Lokacioni 4:
- Iriq metalik
- Jelek i brendshëm Antiplumb
- 30 cope mjet i dyshuari Eksploziv TM 100
- 1 Uniforme
- Cante e zeze me pajisje te ndihmës se pare
- Adapter per Radiolidhje
Për këto bastisje ka reaguar edhe ministri i Brendshëm, Xhelal Sveçla, i cili ka thënë se institucionet kosovare e kanë shtuar vigjilencën dhe vendosmërinë për asgjësimin e secilit element kriminal që vjen nga Beogradi.
“Sërish armë, eksplozivë e municion i konfiskuar në veri të vendit dhe kjo falë vigjilencës së shtuar të institucioneve tona dhe vendosmërisë për asgjësimin e secilit element kriminal dhe tendencës destabilizuese që vjen nga Beogradi. Bashkërendimi mes institucioneve të sigurisë dhe rritja gjithnjë e më shumë e bashkëpunimit me qytetarët në veri të vendit është garancë e mosndalimit në betejën tonë për shtet të së drejtës ku rendi dhe ligji mbizotërojnë mbi krimin e terrorizmin”, ka shkruar Sveçla në Facebook.
Ai ka shpërndarë edhe fotografi të arsenalit të gjetur nga Policia falë informacioneve të AKI-së.
Po ashtu armë dhe mjete eksplozive që përfshijnë granatë dore, armë e gjatë, municion, radiolidhje, antiplumba e pajisje teknologjike janë gjetur nga Policia e Kosovës të enjten gjatë kryerjes së një bastisjeje në fshatin Uglarë të Zubin Potokut.
Nga komuniteti serb ishte pikërisht edhe ai që u arrestua nga Policia e Kosovës nën dyshimin se posedonte të gjithë këtë municion.
Lexo edhe: Veriu akoma i papastruar nga armët, mjetet eksplozive dhe municioni