Revista prestigjioze “People” e ka shpallur aktorin John Krasinski, si burrin më tërheqës për vitin 2024. Lajmi se Krasinski u kurorëzua më këtë titull, u bë i ditur në emisionin “The Late Night Show with Stephen Colbert”.
Revista, ne llogarinë zyrtare në rrjetin social X (ish-Twitter), ka ndarë një fotografi të ballinës së revistës.
Pasi ka dhënë lajmin në emisionin e tij, Colbert me shaka u shpreh kinse i nervozuar që nuk e mori titullin në fjalë, ndërkohë që Krasinski e ngushëllonte.
“Është në rregull, nuk je ‘burri më tërheqës’ por kujt i intereson? Kush është? Përveç meje”, i ka thënë aktori.
Krasinski, i cili është aktor, shkrimtar dhe regjiso, është i martuar me aktoren Emily Blunt dhe baba i dy fëmijëve: Hazel, 10 dhe Violet, 8-vjeçe.
Krasinski është i njohur për rolin që ka luajtur në serialin e mirënjohur “The Office” për nëntë sezone. Ai gjithashtu, në vitin 2018 ka bërë regjinë dhe ka luajtur në filmin “A Quite Place”, përkrah gruas së tij, aktores Emily Blunt.